Gidawat isip dakong suporta ang dugang nga ayuda sa Department of Social Welfare and Development (DSWD) alang sa mga benepisyaryo sa Pantawid Pamilyang Pilipino Program (4Ps), ilabina sa mga buntis ug ginikanan sa mga batang nag-edad og zero hangtod duha ka tuig, aron makatabang sa pagpakunhod sa malnutrisyon.
Matod ni Barangay Nutrition Scholar Corazon Uro sa Barangay Barra, Opol, Misamis Oriental, ang dugang ayuda makatabang sa mga pamilya nga naglisod sa panginabuhi, apan dili kini igo nga mahimong bugtong solusyon sa problema sa malnutrisyon sa mga kabataan.
Bag-ohay lang gipahibalo sa DSWD nga ang binulan nga ayuda alang sa kwalipikadong benepisyaryo gipataas gikan sa P350 ngadto sa P750, isip kabahin sa programa nga nagtutok sa pagpalambo sa nutrisyon ug kahimsog sa mga bata sugod sa pagmabdos hangtod sa unang 1,000 ka adlaw sa ilang kinabuhi.
Photo courtesy: DSWD-10
