Natala ang tulo ka bag-ong kaso sa COVID-19 sa Dakbayan sa Maynila base sa pinakabag-ong monitoring report sa lokal nga kagamhanan.Tungod niini, misaka na sa 60 ang kinatibuk-ang gidaghanon sa mga kumpirmadong kaso sa COVID-19 nga narekord sa siyudad sukad Enero hangtod karong bulana.
Gawas sa COVID-19, adunay usab tulo ka bag-ong kaso sa dengue nga naitala, nga nakapadugang sa total nga 1,961 ka kaso sa maong sakit sa Maynila karong tuiga. Usa usab ka bag-ong kaso sa leptospirosis ang narekord niadtong Hulyo 16, nga mipataas sa kinatibuk-ang kaso niini ngadto sa 94 karong 2026.
Samtang, wala nay bag-ong kaso nga natala sa ubang mga sakit nga sakop sa Water and Food-Borne Diseases, Influenza-Like Illnesses, Leptospirosis ug Dengue o W.I.L.D. monitoring program sa siyudad.
Nagpabilin usab sa 773 ang kaso sa influenza-like illnesses, 240 sa severe acute respiratory infections o SARI, 57 sa typhoid fever, ug tulo ka kaso sa cholera.
Busa, giawhag pag-usab sa Manila Health Department ang publiko nga magpadayon sa pag-amping ug pagsunod sa mga health measures ilabi na karong panahon sa ting-ulan aron malikayan ang pagkatakod sa nagkalain-laing sakit.
Photo Courtesy:CDC
