Wala pa gihapon makapili si NBA superstar Lebron James og koponan nga iyang kabalhinan. Kapin na sa duha ka semana ang milabay sukad sa iyang hingpit nga pagbiya sa Los Angeles Lakers aron mosulod sa free agency.
Sa iyang unang pagpakita sa publiko sukad sa pagbiya sa Lakers, napangutana si LeBron kon aduna na ba siyay napiling koponan. Apan, wala niya kini tubaga sa direkta nga paagi. Imbis nga motubag, naghatag lamang siya og ilhanan nga sa dili madugay masayran na sa publiko ang iyang desisyon.
Sa pagkakaron, ubay-ubay na nga mga NBA team ang nagpadayag sa ilang interes nga makuha ang superstar, lakip na ang Cleveland Cavaliers ug Miami Heat nga kaniadto na niya nadulaan ug nadala ngadto sa NBA Finals. Kauban usab sa mga nagpakita og interes mao ang Golden State Warriors, Indiana Pacers, ug uban pa.
Nisaad usab ang four-time champion nga bisan asa man siya mapadpad, iyang paningkamotan nga moangay sa sistema sa maong koponan ug ihatag ang tanan niyang makakaya, taliwala sa iyang pangidaron.
Photo courtesy: Forbes
