Giablihan na sa National Food Authority (NFA) ang modern integrated grains facility sa Dumangas, Iloilo aron mapalig-on ang pagproseso ug pagtipig sa humay sa usa sa mga nag-unang rice-producing areas sa nasud.
Ang maong pasilidad gi-equipped sa 10-ton-per-hour rice mill ug sa 240-ton-per-day mechanical grain dryer nga makatabang sa pagpakunhod sa post-harvest losses ug pagpalambo sa kalidad sa bugas.
Gilauman nga makabenepisyo kini sa kapin 1,000 ka mga mag-uuma, nga nagsilbing dugang sa 804 nga Rice Farmers ug 41 ka Farmers’ Organizations nga kasamtangang giserbisyohan sa Dumangas Grains Center.
Matod ni Agriculture Secretary Francisco Tiu Laurel Jr., ang maong pasilidad makatabang sa pagpalig-on sa food security sa nasud pinaagi sa mas daghang mapalit nga humay, mas lig-on nga buffer stock, ug mas sigurado nga suplay sa bugas ilabina panahon sa kakulang sa suplay.
Samtang giingon usab ni NFA Administrator Larry Lacson nga ang bag-ong grains facility usa ka dakong tabang alang pagpaayo sa operasyon sa ahensya sa Western Visayas.
Photo Courtesy: Philippine News Agency
