Nagpasidaan ang Commission on Elections (COMELEC) sa tanang kandidato sa umaabot nga Barangay ug Sangguniang Kabataan Elections batok sa paggamit sa mga programa sa gobyerno ug ayuda aron mapalambo ang ilang kampanya.
Matod ni Comelec Chairman George Erwin Garcia, ang pagpatuman sa mga programa sa gobyerno ug pag-apod-apod sa pinansyal nga tabang mahimong ipadayon lamang kon adunay opisyal nga exemption gikan sa Comelec.
Gipahimangnoan usab niya pag-usab ang mga incumbent officials nga likayan ang pag-apil sa pagpanghatag og ayuda aron malikayan ang mga alegasyon sa vote influence.
Gipasabot ni Garcia nga ang mga programa sama sa AICS ug AKAP dili mahimong ipanghatag nga adunay kandidato nga anaa sa lugar, ug bisan usa lamang ka litrato sa kandidato sa maong kalihokan mahimong gamiton isip ebidensya sa posibleng kaso sa disqualification.
Samtang hugot usab niya nga gipahinumduman ang mga mokandidato nga ipatuman ang pag-ban sa mga government financial assistance programs, gawas lamang sa mga emergency assistance sama sa burial ug medical assistance sulod sa napulo ka adlaw sa wala pa ang adlaw sa BSKE.
Photo Courtesy: Philippine News Agency
