Balhog sa prisohan ang usa ka empleyado sa California, USA, human kini gipasanginlan nga maoy misunog sa usa ka dako nga bodega sa mga paper products gumikan sa iyang kapungot tungod sa kagamay nga sweldo nga gihatag sa kompanya.
Base sa report, naila ang suspek nga si Chamel Abdulkarim, kinsa giingong misunog ug nagpagawas pa ug mga video nga makita nga gikaon na sa kalayo ang mga bodega.
Tungod niini, gidakop ang suspetsado ug anaa karun sa kustodiya sa kapulisan alang sa tukmang disposisyon ug nag-atubang og kasong arson.
Gani, daling nagviral sa social media ang maong panghitabo ug nakaani kini ug lain lain nga reaksiyon gikan sa mga netizens ug daghan usab ang nalingaw ug nasuko sa maong binuhatan.
Photo Courtesy: Psychology Today
