Nahimong sold-out ang mga memorabilia nga gihimo gikan sa mga basura nga gikolekta sa gawas sa venue sa kasal nila Taylor Swift ug Travis Kelce.
Ang artist nga si Justin Gignac maoy naghimo sa maong souvenir pinaagi sa pagbutang sa mga nakolektang basura sama sa sigarilyo, paper cups, plastic straws, candy wrappers, ug usa ka walay pares nga AirPod sulod sa gagmay’ng airtight plastic cubes nga adunay marka nga “JUST&T MARRIED” ug petsa sa kasal sa celebrity couple.
Gibaligya niya ang matag cube sa kantidad nga $25, ug nahurot dayon ang tanan human gipalit sa mga fans ni Taylor Swift.
Matud pa ni Gignac, wala siya maimbitar sa kasal ug ang tanan niyang nakolektang mga butang gikan lamang sa gawas sa venue. Gihimo niya kini isip talagsaong paagi sa paghinumdom sa maong celebrity wedding, nga nakapukaw sa interes sa daghang fans ug social media users.
Photo Courtesy: Philippine Concerts
