Lauman ang pag-ubos sa presyo sa pamasahe sa eroplano sugod karong Hulyo 16 hangtod Hulyo 30, 2026, human gipaubos sa Civil Aeronautics Board (CAB) ngadto sa Level 8 ang fuel surcharge sa nasod.
Tungod niining maong kausaban, mas mogaan-gaan na ang gasto sa mga magbiyahean diin ang mga domestic passengers magbayad na lamang og fuel surcharge gikan sa P253 hangtod P787, samtang ang mga international passengers magbayad na lang usab og gikan sa P835.05 hangtod sa P6,208.98 depende sa gilay-on sa destinasyon.
Kini nga rollback mas ubos itandi sa gipatuman niadtong Hulyo 1 hangtod 15 diin nagpabilin sa Level 9 ang singil sa fuel surcharge.
Kahinumduman nga mitalas pag-ayo ug misaka pa gani hangtod sa Level 19 ang maong surcharge niadtong Abril 16 hangtod 30 tungod sa dakong epekto sa kagubot sa Middle East nga nagpahinabo sa pagsaka sa presyo sa lana sa tibuok kalibutan.
Ang desisyon sa CAB dako og tabang alang sa mga magpapanaw nga gusto makadaginot sa ilang pletehan karong tunga-tunga sa bulan
Photo Courtesy:Tiktok
