Gitambongan sa mga piniling empleyado gikan sa nagkalain-laing opisina sa Lokal nga Pangagamhanan sa Libona ang gipahigayon nga Financial Literacy Forum niaging adlaw
Nahimong guest speaker sa kalihukan si 1st district Congressman Jose Manuel “Joeman” F. Alba, kinsa mipasiugda nga ang husto ug disiplinado nga pagdumala sa panalapi maoy yawe sa pagsulbad sa kakabos, dungan sa pag-ingon nga walay bisan unsang kantidad sa ayuda gikan sa gobyerno ang makatagbo sa panginahanglan sa pamilya kon kulang sa kahibalo ug disiplina sa paggasto ang usa ka tawo.
Nidugang usab sa paghatag og mensahe si Municipal Councilor ug Committee Chairperson on Gender and Development (GAD) Ursula C. Buta, diin iyang gipahayag nga ang malungtarong pamilya dili lamang matukod pinaagi sa gugma kondili pinaagi usab sa responsableng financial stewardship.
Gipadayag sab ni Councilor Buta ang iyang dakong kalipay human maaprubahan sa lebel sa probinsya ang Financial Literacy Ordinance sa Libona, nga maoy magpalapad pa sa maong adbokasiya sa tibuok lungsod.
Hisayrang kabahin ang maong forum sa hiniusang paningkamot sa lokal nga panggamhanan ug sa nasyonal nga gobyerno aron mapauswag ang kalidad sa kinabuhi sa mga katawhan ug mga mag-alagad sa komunidad pinaagi sa edukasyon sa panalapi
Photo Courtesy:LGU Libona
