Nahimong inspirasyon sa daghang netizens ang 20-anyos nga si Rulian Dias Amaral human gigamit ang usa ka ordinaryong refrigerator isip improbisadong lifeboat aron maluwas ang iyang walo ka buwang mabdos nga asawa nga si Elivanda de Souza Brandão atol sa makamatay nga pagbaha sa Mimoso do Sul, Brazil niadtong Marso 2024.
Base sa viral nga mikaylap sa social media, gipalutaw ni Rulian ang refrigerator ug iyang gitabangan kini samtang naglangoy sa kusog nga baha hangtod nakaabot sila sa luwas nga lugar.
Pipila ka semana human sa insidente, nanganak og himsog nga batang babaye ang iyang asawa nga ginganlang Maria Cecília, nga naghimo sa ilang makahahadlok apan malampusong pagluwas nga mas makahuluganon ug dili malimtan nga sitwasyon.
Photo Courtesy: Watercooler
