Gipahibalo sa Department of Migrant Workers (DMW) mikabat na sa 10,580 ka mga Overseas Filipino Workers kauban sa ilang mga dependent ang luwas nga na-repatriate gikan sa mga apektadong lugar taliwala sa nagpadayon nga tensiyon sa Middle East.
Sumala pa sa ahensya nga sa maong ihap, ang pinakabag-ong grupo sa 50 ka repatriate gikan sa Kuwait nga miabot sa Pilipinas niadtong miaging semana.
Gibutyag usab ni DMW Undersecretary Felicitas Q. Bay nga nagpadayon ang ilang mga operasyon sa pagpauli sa mga OFW bisan pa man nga mikunhod na ang gidaghanon sa mga Pilipinong gustong mupauli kon itandi sa miaging mga bulan.
Kabahin niini, giingon sa DMW nga nakigkoordinar na sila sa mga Migrant Workers Office sa mga estado nga miyembro sa Gulf Cooperation Council aron dali nga matubag ang mga hangyo sa pagpauli sa mga Pilipinong trabahante.
Samtang gipasalig sa DMW nga ang kaluwasan ug kaayohan sa mga overseas Filipino workers magpadayon ingon man andam usab sila nga muhatag ug tabang sa mga nanginahanglan.
Photo Courtesy: Philippine News Agency
