Nasikop sa mga kapulisan ang usa ka indibidwal human sa gipatumang Manhunt Charlie Operation pasado alas 9:30 sa buntag niadtong Hulyo 12, 2026 didto sa Purok Bagong Buhay, Urban Poor, Brgy. Dahican, Mati City, Davao Oriental.
Ang operasyon gihimo sa mga personahe sa Davao Oriental Maritime Police Station kauban ang mga operatiba sa Mati City Police Station nga miresulta sa pagkasikop sa usa ka 33 anyos nga lalaki.
Ang suspek nadakpan pinaagi sa pagpatuman sa warrant of arrest tungod sa kasong Attempted Homicide ug adunay pyansa nga girekomedar ang korte alang sa iyang temporaryong kagawasan.
Sa pagkakaron ang dinakpan gikustodiya na sa Mati City Police Station alang sa hustong disposisyon.
Photo Courtesy: Davao Oriental MARPSTA
