Dakapan ang 31-anyos nga babaye atol sa gilusad nga buy-bust operation sa kapulisan sa Purok 1-A, Barangay Mabuhay, Sison, Surigao del Norte. Ang nadakpan nga suspek residente sa Purok 3, Barangay San Juan, Surigao City.
Narekober sa mga operatiba, gikan sa suspek ang usa ka pakete sa gidudahang shabu nga mitimbang usa ka gramo nga nagkantidad ₱6,800, lakip ang ₱500 nga marked money ug usa ka kaha sa sigarilyo.
Human sa operasyon, gidala ang suspek ug ang tanang narekober nga ebidensya sa kustodiya sa Sison Municipal Police Station alang sa hustong dokumentasyon ug disposisyon.
Giandam na usab ang kasong paglapas sa Section 5 ug Section 11, Article II sa Republic Act 9165 o ang Comprehensive Dangerous Drugs Act of 2002 batok sa nadakpan.
