Gibutyag sa Provincial Early Childhood Care and Development Office (PECCDO) nga dako ang natabang sa nanglabayng duha ka administrasyon sa pagpalambo sa sayong pagkat-on sa kabataan, pinaagi sa paghatag og prayoridad sa pundo alang sa ECCD program sa lalawigan.
Matud ni PECCDO Head Maryden Lilay Ocot nga sa administrasyon nila kanhing Gobernador Oscar Moreno ug Bambi Emano, gihatagan og dakong importansya ang pagtukod sa mga conducive learning facilities ug ang pagpalig-on sa kapasidad sa mga magtutudlo.
Dugang ni Ocot, sa pagkakaron, gatosan na ka mga ECCD facilities ang natukod sa nagkadaiyang barangay sa Misamis Oriental, nga nagpalapad sa akses sa kalidad nga early childhood education alang sa mga kabataan sa lalawigan.
Photo courtesy: Provincial ECCD Office – Misamis Oriental
