Dakpan ang 24-anyos nga lalaki kinsa wanted sa kasong Reckless Imprudence Resulting in Homicide and Damage to Property atol sa gipahigayong intelligence-driven operation didto sa Purok 2, Barangay Dos, lungsod sa Katipunan, Zamboanga del Norte niadtong nakalabay nga adlaw. Giila ang dinakpan nga si Kim ug residente sa maong dapit.
Ang pagsikop pinasikad sa Warrant of Arrest sa nasangpit nga kaso nga gipagula sa Municipal Trial Court, 9th Judicial Region, Katipunan–Sergio Osmeña, Zamboanga del Norte, pinetsahan ug Hulyo 6, 2026, nga adunay girekomendang pyansa nga mobalor sa ₱62,500.00 alang sa iyang temporaryong kagawasan.
Gipangunahan ang operasyon sa sa Katipunan Municipal Police Station (MPS) nga miresulta sa malampusong pagkasikop sa akusado.
Ang dinakpan gidala gilayon sa Katipunan MPS alang sa tukmang dokumentasyon ug legal nga proseso.
Photo Courtesy: ohchr
