Lauman ang laing pagsaka sa presyo sa produktong petrolyo sunod semana gumikan sa nagkagrabeng tensiyon tali sa United States ug Iran.
Base sa mga pagbana-bana sa mga Oil Company, mosaka ang presyo sa diesel sa P2 hangtod sa P4 matag litro, samtang ang gasolina mahimong mosaka sa P1 matag litro.
Misaka ang presyo sa diesel tungod sa kanihit sa suplay sa tibuok kalibotan, lakip na ang posibleng pagkunhod sa export sa Russia tungod sa padayon nga pag-atake sa ilang mga energy infrastructure.
Bisan og lig-on pa ang suplay sa gasolina sa Asya, gilauman gihapon ang pagsaka sa presyo tungod sa taas nga panginahanglan sa Northern Hemisphere ug pagkunhod sa produksyon sa ubang mga refinery.
Kahinumduman, sa nakalabayng semana, misaka na ang presyo sa diesel og P3.30 matag litro diin sagad magpagawas ug opisyal ang anunsyo ang kompanya kada Lunes ug ipatuman sa Martes.
Photo Courtesy: Philippine News Agency
