Patay ang usa ka 49-anyos nga construction worker human gipusil sa wala mailang mga suspetsado nga natigayon sa may boundary sa Barangay Upper Sicpao ug Tungawan, Sominot, Zamboanga del Sur, adlaw’ng Huwebes, July 9, 2026.
Dali nga niresponde sa lugar nahitabuan ang Sominot Municipal Police Station uban sa mga personahe sa Rural Health Unit sa Sominot apan sa pagsuta sa lawas sa biktima patay na kini diha pa lang sa lugar nahitabuan.
Sa inisyal nga imbestigasyon, samtang nagsakay ang biktima sa usa ka Honda XRM 125 motorcycle gikan sa Tungawan Elementary School sa dihang kalit siya gipusil sa wala maila nga nag suspetsado sa makadaghang higayon.
Dali nga nisibat ang suspetsado paingon sa direksyon sa Dumingag, Zamboanga del Sur ug na-recover sa mga otoridad ang basiyo sa bala sa 45 caliber ug ang motor nga gigamit nga Honda XRM 125 motorcycle.
Naglusad na ug follow-up operations ang kapulisan aron sa pag-ila ug pagdakop sa mga mamumuno nga mihimo sa kremin.
Samtang gi-agni usab Zamboanga del Sur Police Provincial Office ang publiko nga may kasayuran sa panghitabo sa pag-report ngadto kanila alang sa mas dali nga pagsulbad sa kaso.
Photo Courtesy: PIO ZSPPO
