Gikumpirma ni Colonel John Guiagui, hepe sa PNP Criminal Investigation and Detection Group (CIDG) nga ilang gisumite ngadto sa Sandiganbayan Third Division ang medical report ni Senador Rodante Marcoleta niadtong Miyerkules, Hulyo 8, subay sa mando sa korte.
Dugang pa ni Col. Guiagui, gisumite na usab sa ilang opisina ang return of warrant of arrest ni Marcoleta niadtong Hulyo 6, lakip ang iyang mugshot, fingerprints, ug certificate of detention.
Kahibaloan nga si Senador Marcoleta, nag-atubang og kasong plunder maykalabotan sa giingong P75 milyon nga wala madeklarar nga mga donasyon sa kampanya nga iyang nadawat.
Samtang gibutyag ni Guiagui nga gimandoan sila sa korte uban ang PNP General Hospital nga magsumite og managlahi nga report kabahin sa medical condition ni Marcoleta. Gani, gikumpirma usab sa PNP nga nagpagawas ang Sandiganbayan og commitment order nga nagbutang kang Marcoleta ubos sa kustodiya sa CIDG samtang nagpailalom sa medical evaluation.
Kalabot niini, gibutyag ni Police Lieutenant Colonel Benaly Bayani, hepe sa Internal Medicine sa PNP Health Service, nga adunay pipila pa ka medical result nga gihulat karun tungod sa taas nga lebel sa cholesterol sa Senador.
Samtang gikumpirma usab sa PNP nga aduna silay nadawat nga hangyo gikan kang Senador Robinhood Padilla kabahin sa plano niining pagduaw kang Marcoleta sa ospital.
Photo Courtesy:Wikipedia
