Gibawi na sa National Grid Corporation of the Philippines (NGCP) ang red alert status sa Visayas Grid human moubos ang gilauman nga peak demand sa kuryente.
Sumala pa, ang red alert nga una gikatakdang ipatuman gikan alas 5:00 sa hapon hangtod alas 7:00 sa gabii gikanselar alas 12:45 sa udto, apan nagpabilin ang yellow alert status hangtod alas 10:00 sa gabii.
Bisan sa pag-alsa sa red alert, gipadayag sa NGCP nga adunay daghang planta sa kuryente nga wala gihapoy operasyon ug ubang nagdagan sa ubos nga kapasidad.
Tungod niini, mikabat sa 959.3 megawatts ang dili magamit nga kapasidad sa Visayas Grid, maong padayon gihapon ang pagmonitor sa kahimtang sa suplay sa kuryente.
Photo Courtesy: wikipedia
