Usa ka veteran nga hardinero gikan sa United Kingdom nga si Graham Barratt ang nakakuha og duha ka bag-ong Guinness World Records human makaani og talagsaong dagkong mga tanom. Giila nga pinakabug-at sa tibuok kalibutan ang iyang naani nga elephant garlic nga mimitimbang og 1.75 ka kilo, nga mas bug-at og 35 ka pilo kaysa sa kasagarang ahos.
Gawas sa ahos, nakuha usab ni Barratt ang world record alang sa pinakabug-at nga pea pod (gisantes) nga mitimbang og 28 gramos. Tungod sa maong talagsaong gidak-on, napugos ang Guinness World Records sa pag-abli og hingpit nga bag-ong kategorya alang sa maong kalampusan.
Gibutyag sa hardinero nga napulo ka tuig niyang gipauswag ang maong tanom pinaagi sa pagpili sa pinakadakong liso gikan sa matag ani sukad pa niadtong Septyembre 2025. Nakasinati siya og mga hagit sama sa pagpanghilabot sa mga osa, koneho, ug katugnaw apan iya gihapon kining nasalbar pinaagi sa saktong pag-atiman.
Naglaom karon si Barratt nga ang iyang talagsaong kalampusan makadasig ug makahatag og kaisog sa ubang mga hardinero sa tibuok kalibutan. Gilauman niya nga mosulay usab sila og mga bag-ong pamaagi sa pagpananom aron makahimo og ilang kaugalingong mga world record sa umaabot
Photo Courtesy: GUINNESS WORLD RECORDS
