Mitapos sa ikaupat nga puwesto ang Pinoy pole vault star nga si EJ Obiena sa Fly Athens Tournament nga gipahigayon sa Greece.
Nakarekord si Obiena og season-best nga 5.81 metros, nga mas taas kaysa sa iyang miaging season best nga 5.78 metros nga iyang natala sa ISTAF Indoor Meet sa Berlin, Germany niadtong Marso.
Bisan og wala makasulod sa podium tungod sa countback, nagpahayag gihapon si Obiena og kalipay human niya malampusong nalukso ang 5.81 metros, nga maoy iyang pinakamaayong performance karong season.
Nagkampeon sa maong kompetisyon pinaagi sa countback si Christopher Nilsen sa Estados Unidos, samtang ikaduha si Thibaut Collet sa France, ug ikatulo si Emmanouil Karalis sa Greece.
Nakatabla ni Obiena sa 5.81 metros sila Emmanouil Karalis sa Greece, Ersu Şaşma sa Turkey, ug Baptiste Thiery sa France, apan napilde siya sa countback nga maoy nakapahimutang kaniya sa ikaupat nga puwesto.
Photo Courtesy: Fastbreak
