Gikaon ni Joey “Jaws” Chestnut, ang 66 ka hotdog sulod lamang sa usa ka minuto aron mabawi na usab niini ang bantugang Mustard Belt sa Nathan’s Famous Hot Dog Eating Contest sa Coney Island sa Estados Unidos. Sa kainit sa selebrasyon sa ika-250 nga anibersaryo sa Amerika, mas init pa ang iyang kaon nga nakapahinganga sa liboan ka mga nanan-aw.
Bisan og 42-anyos na ang pangidaron niini, wala gihapoy makapugong kang Joey, nga mopildi sa 13 ka ubang contestants gikan sa lainlaing nasud. Ang ikaduhang pwesto nakakaon lamang og 50 ka hotdog, nga layo gihapon sa 66 nga nahurot ni Joey. Bisan pa niana, wala niya malabwan ang iyang kaugalingong world record nga 76 ka hotdog nga iyang nahimo niadtong 2021.
Matod pa kang Joey, ang competitive hotdog eating matod pa ang pinaka-patriotikong sport sa Amerika. Ug kon para sa uban ang 66 ka hotdog igo na para sa tibuok barangay, alang kang Joey Chestnut, igo lang kini aron makadaug na usab sa kumpetisyon.
Photo Courtesy: The Boston Globe
