Dakpan sa buy-bust operation sa kapolisan ang usa ka gituohang street-level individual (SLI) drug personality sa Barangay Poblacion 1, General Luna, Surigao del Norte. Ang operasyon gipahigayon sa Drug Enforcement Unit sa General Luna Municipal Police Station ubos sa pagpanguna ni PCPT Ariel E. Esperon, OIC, sa koordinasyon sa Philippine Drug Enforcement Agency (PDEA).
Narekober gikan sa suspetsado ang upat ka heat-sealed plastic sachet nga adunay gituohang shabu nga mokabat sa 0.782 ka gramo ug gibanabana nga kantidad nga ₱5,317.60 subay sa Standard Drug Price. Narekober usab ang usa ka ₱1,000 nga gigamit isip marked money.
Ang nadakpan ug ang mga ebidensya gidala sa General Luna Municipal Police Station alang sa dokumentasyon ug hustong disposisyon.
Kasong paglapas sa Republic Act No. 9165 o Comprehensive Dangerous Drugs Act of 2002 atubangon batok sa suspetsado.
