Nakatala og bag-ong Guinness World Record ang usa ka 45-anyos nga German nga si Tommy Schmidt human niini malampusong nahimo ang kinadak-ang modelo sa usa ka sausage (bratwurst) nga kompleto sa bun ug mustard gamit ang kapin 65,000 ka piraso sa LEGO bricks. Ang maong higanteng obra adunay gitas-on nga 6 ka piye ug 6.7 ka pulgada.
Matod pa ni Schmidt, ang maong proyekto iyang gihimo isip pagpasidungog sa rehiyon sa Thuringia, diin sikat kaayo ang pagkaong bratwurst, ug giabagan usab kini sa ideya gikan sa lokal nga kompanya nga Die Thüringer. Miabot og kapin sa usa ka tuig ang kinatibuk-ang paghimo niini, lakip na ang unom ka bulan nga dinalian ug aktuwal nga pag-assemble sa mga tisa.
Giangkon sa maong tigmugna nga usa sa pinakalisod nga bahin sa iyang eksperyensya mao ang pagbalhin sa dako ug bug-at nga modelo, diin nagkinahanglan pa kini og maampingong pagplano ug tabang sa ubang tawo aron madala sa destinasyon.
Sa kasamtangan, ang maong LEGO sausage garbo karong gipampubliko ug gi-display sa headquarters sa Die Thüringe
Photo Courtesy: Guinness World Record
