Patay ang usa ka 11-anyos nga batang lalaki sa Canada tungod sa rabies human makamata nga adunay kwaknit sa iyang nawong samtang nagpuyo sa usa ka cottage niadtong 2024.
Walay nakita nga pinaakan o samad sa bata, busa wala siya madala dayon sa ospital aron magpakonsulta. Paglabay sa pipila ka semana, migawas ang sintomas sa rabies ug namatay ang bata human migrabe ang iyang kondisyon.
Gipahimangno sa mga doktor nga ang bisan unsang direktang kontak sa kabog kinahanglan dayong ipasusi, tungod kay halos kanunay makamatay ang rabies kung mogawas na ang mga sintomas.
Photo Courtesy: Roundglass sustain
