Naghulat na lamang ang Department of Education (DEPED) Region 9 sa Notice of Salary Adjustment (NOSCA) gikan sa Department of Budget and Management aron mapadayon ang paghire sa mga bag-ong magtutudlo sa Zamboanga Peninsula.
Kini ang giingon ni DEPED 9 Regional Director Ronelo Al K. Firmo atol sa Kapihan sa Rehiyon 9 nga gipahigayong ning bag-o. Segon ni RD firmo, importante ang NOSCA tungod kay kini maoy opisyal nga otorisasyon sa DBM sa pagpatuman sa salary allocation alang sa mga bag-ong posisyon.
Pagpasabot ni RD Firmo, sa sobra 3000 nga mga bag-ong mga teaching items nga gi-alokar sa Zamboanga Peninsula, 1500 niini ang gialokar sa Sulu ug ang subra alang sa ubang mga probinsya sa Zamboanga Sibugay, Zamboanga del Norte, Zamboanga del Sur, ug syudad sa Zamboanga ug Isabela.
Niini, malaumon si RD Firmo nga sa labing dali nga panahon ma-release na sa DBM ang maong dokumento aron masiguro ang hapsay nga pagdeploy sa mga bag-ong magtutudlo sa mga pampublikong eskwelahan sa rehiyon sa musunod nga school year.
