Gumikan sa pag usab-usab sa presyo sa gasolina nga epekto sa energy krisis sa Middle East, subling gipahinumdom ang hugot nga pagtuman sa gipagulang fare matrix particular na sa mga motorela, nga aprobado sa Cagayan de Oro City Council.
Sa one-on-one interview sa Juander Radyo ngadto kang City Information Officer, Jade Adecer, gibutyag niini nga magbase ang plitehan kung pila ang kasamtangang presyo sa gasolina. Matud pa nga kinahanglan ang matag motorela adunay fare matrix displayed aron makita sa mga sakay nga pasahero.
Samtang 500 nagdto sa 1,000 pesos matud pa ang multa alang ngadto sa masupakon sa kamandoan. Giawhag ni Adecer ang publiko, nga kung adunay reklamo, ipatawag kini sa opisina sa Roads and Traffic Administration aron imbestigahan kung angayan bang silutan.
Ning kasamtangan, mag dula ang presyo sa gasolina sa P73 ngadto sa P80 ang presyo sa gasolina kung asa subay sa fare matrix, anaa sa 8.00 ngadto 12.00 pesos minimum nga pletehan.
Photo courtesy: Roads and Traffic Administration/PNA
