Gipadayag sa mga namaligya og karne sa Cogon Market sa Cagayan de Oro City nga dili lisod alang kanila ang pagsunod sa mga regulasyon nga gipahamtang sa market administration, City Veterinary Office ug National Meat Inspection Service.
Matud ni Noel Habagat Gonzales, usa ka meat vendor, nga wala nila giisip nga hagit ug andam sila sa pagsunod sa food safety standards, ilabina sa hustong pagtipig, pag-display ug pagdumala sa mga karne aron masiguro ang kalimpyo ug kaluwasan sa pagkaon nga gibaligya sa publiko.
Mahinumduman sa niaging operasyon sa Cogon Market nga gipangunahan sa CEEBDA UG City Veterinary Office, mokabat sa 31 kilos nga karne ang gikumpiska tungod sa dili hustong pagdumala ug posibleng kontaminasyon.
Photo courtesy: DA










