Walay seryosong hulga sa seguridad nga namonitor ang Police Regional Office 10 sa Northern Mindanao, apan nagpabiling alerto ang mga otoridad batok sa posibleng krimen.
Matod ni Police Major Joan Navarro, spokesperson sa PRO-10, nagpadayon ang panagtinabangay sa mga intelligence officers gikan sa nagkadaiyang ahensya sa gobyerno, lakip ang Armed Forces of the Philippines, pinaagi sa intelligence gathering aron mapalig-on ang peace and order sa rehiyon.
Gipakusog ang paningkamot samtang gipahigayon ang ASEAN Summit ug may mga pagbisita sa mga langyaw nga lider sa nasud. Lakip niini ang pagbisita ni US President Donald Trump sa Manila ug ang iyang pagbiyahe paingon sa China alang sa pakigtagbo sa mga lider.
Padayon gihapon ang monitoring sa mga otoridad aron malikayan ang bisan unsang hulga sa seguridad.
Photo courtesy: PNP Police Regional Office 10










