Nanawagan si Senate President Pro-Tempore Tito Sotto III nga maglusad og imbestigasyon sa mga epekto sa sobra nga oras sa paggamit og digital screen ilabina sa kadelikado sa online content ngadto sa mga kabatan-onan.
Gusto sa senador nga susihon ang epekto sa mental health, kaluwasan, moral development, ug kinatibuk-ang kaayohan sa mga kabatan-onan nga kanunay nagyampungad sa social media.
Tumong sa imbestigasyon nga susihon kung ang nagkadaghan nga mga kabatan-onan kinsa nalambigit sa bayolente nga mga buhat, cyber-related offenses, ug uban pang mga matang sa misconduct, nalambigit ba kini sa paggamit sa social media.
Sumala pa nga namatikdan ni Sotto nga ang paggamit sa digital technology, maoy hinungdan nga na-expose ang mga kabatan-onan sa cyberbullying, online sexual exploitation, grooming, self-harm content, sayop nga impormasyon, ug mga materyales nga may kalabutan sa pagpanugal.
Sumala pa nga dunay mga pagtuon nga nagpakita nga ang sobra nga oras sa paggamit og screen sa mga kabatan-onan mosangpot sa grabe nga kabalaka, depresyon, sleep disorders, ug uban pang mga problema sa mental health.
Photo courtesy:Interrupt media
