Gikansela ni Pangulong Ferdinand Marcos Jr. ang pipila sa iyang nakatakdang kalihokan karong adlawa Martes Hunyo 30, 2026 atol sa rally for peace sa Iglesia ni Cristo (INC) sa EDSA.
Sumala kang Presidential Communications Office (PCO) Secretary Dave Gomez, nagpabilin ang Pangulo sa Malacañang aron personal nga subayon ang mga panghitabo ug ang kahimtang sa seguridad.
Lakip sa mga gikansela nga kalihokan ang FOCAP luncheon sa Makati ug ang inagurasyon sa Marine Clean-Up Vessel alang sa Manila Bay Project.
Samtang nagpadayon ang rally, liboan ka mga miyembro ug partisipante ang nagtigom sa EDSA, hinungdan sa grabeng paghuot sa trapiko sa pipila ka bahin sa Metro Manila.
Base sa taho sa mga awtoridad, adunay tensiyon nga namatikdan sa lugar ug pipila ka mga indibidwal ang gidakop atol sa kalihokan. Padayon pa ang pagmonitor sa mga otoridad aron maseguro ang kalinaw ug kahapsay sa sitwasyon.
Photo Courtesy : PCO
