Nahimong sentro sa kontrobersiya ang usa ka sign language interpreter, atol sa memorial service ni Nelson Mandela niadtong Disyembre 10, 2013.
Ang interpreter nga si Thamsanqa Jantjie nagtindog tupad sa mga lider sa kalibutan, lakip si Barack Obama, aron unta maghatag og sign language interpretation alang sa deaf community atol sa maong kalihokan nga gisunod sa milyon-milyong nga tawo sa tibuok kalibutan.
Apan human sa programa, daghang organisasyon ug mga eksperto sa sign language ang mipahayag og kabalaka, nga nag-ingon nga daghan sa iyang mga senyales wala matod pay klarong kahulugan ug dili masabtan sa daghang deaf viewers.
Tungod niini, daghang miyembro sa deaf community ang nadismaya tungod kay wala nila masabti ang mensahe sa maong importante nga seremonya.
Human mabutyag ang kontrobersiya, miingon si Jantjie nga nakasinati siya og mental health episode samtang anaa sa entablado, nga nakaapekto sa iyang performance atol sa kalihokan.
Ang insidente nakapukaw og internasyonal nga diskusyon bahin sa kahinungdanon sa husto nga pag-verify sa kwalipikasyon sa mga interpreter ug sa paghatag og epektibong accessibility services alang sa deaf community.
Hangtod karon, kini nagpabiling usa sa labing nailhang kontrobersiya nga may kalabotan sa public interpreting sa modernong panahon.
Photo Courtesy: Pinterest
