Misaka og 11 porsyento ang kinatibuk-ang resources sa financial system sa Pilipinas, diin mitala kini sa kapin ₱37 trilyon base sa labing bag-ong datos gikan sa Bangko Sentral ng Pilipinas (BSP).
Ang maong pagsaka naglakip sa mga deposito, kapital, bonds, ug uban pang financial assets sa mga bangko ug non-bank financial institutions sa nasod.
Ang banking sector gihapon ang nagpabilin nga adunay pinakadakong bahin sa maong resources. Sumala sa BSP, ang nag-unang mga hinungdan sa maong kalamboan mao ang lig-on nga pagdagsa sa mga deposito sa publiko, ang pagsaka sa mga lending activities o pagpaabang og kuwarta, ug ang pagpalapad sa operasyon sa mga financial institutions.
Giila sa mga ekonomista kini nga pagsaka isip usa ka positibong timailhan alang sa nasod.
Nagpakita kini sa padayong pagsalig sa publiko sa sektor sa pinansya ug sa lig-on nga kapasidad niini sa pagsuporta sa kinatibuk-ang pagtubo sa ekonomiya sa Pilipinas
Photo Courtesy:BSP file
