Nakatala sa unang higayon ang Australia sa presensya sa H5N1 strain sa bird flu, sumala sa Department of Agriculture sa nasud.
Gireport nga nadiskubre ang virus sa usa ka migratory seabird nga brown skua sa Western Australia. Ang maong langgam nakit-an sa baybayon duol sa Cape Le Grand National Park sa Esperance area.
Matod sa mga otoridad, kini ang unang higayon nga natala sa Australia ang H5N1 strain, nga kaniadto ang nasud giisip nga bugtong kontinente nga wala pa maapektuhan niini nga klase sa bird flu.
Ang H5N1, usa ka strain sa H5N1 avian influenza, nailhan nga dali mokatap sa mga poultry ug sa mga wildlife nga langgam, hinungdan sa dakong kabalaka sa sektor sa agrikultura ug wildlife conservation.
Gipahibalo sa mga awtoridad nga padayon ang monitoring ug surveillance aron mapugngan ang posibleng paglapad sa virus sa ubang lugar ug mga farm.
Photo Courtesy: Encyclopedia Westarctica
