Kapin sa tunga sa milyon ka pesos ang gibana-banang damyos, human nasunog ang usa ka motorshop nga nahimutang daplin sa National Highway sa Barangay Inas, M’lang, Cotabato, gabii niadtong Hunyo 19.
Sumala sa tag-iya sa maong shop, miabot sa kapin P500K ang kantidad sa mga kagamitan ug kabtangan nga gilamoy sa kalayo. Maayo na lamang nga wala madamay ang balay sa pamilyang Peroy nga nahimutang sa likod sa establisyemento tungod sa paspas nga pagresponde sa mga bombero.
Wala usab natalang nasamdan o namatay sa maong insidente. Samtang, nagpadayon pa ang imbestigasyon sa Bureau of Fire Protection M’lang, aron mahibal-an ang tinuod nga hinungdan sa sunog.
