Naglunsad ang International Atomic Energy Agency ug ang UN food agency og usa ka milyong dolyar ($1 million) nga research project aron matabangan ang pagsugpo sa screwworm outbreak sa Amerika, lakip na ang lakang sa pagtubag sa kakulangon sa mga sterile nga langaw (sterile flies).
Nibalik pagtumaw ang peste sa Central America ug Mexico, ug nakumpirma usab ang presensya niini sa US karong bulhana—ang labing unang pagpakita niini sulod sa kapin 40 ka tuig nga nagdala og hulga sa mga kahayopan, wildlife, ug mga binuhing mananap, hinungdan nga misaka ang presyo sa baka ngadto sa record high.
Ang mga paningkamot sa emergency response magkinahanglan og hangtod sa 600 ka milyon nga sterile nga langaw kada semana. Sa pagkakaron, ang nag-inusarang operational facility nga nahimutang sa Panama naghimo lang og 100 ka milyon niini.
Sumala kanila, ang giplanong kapasidad sa Metapa de Dominguez sa Mexico, ug sa Mission sa Texas, makadugang og hangtod sa 400 ka milyon nga sterile nga langaw kada semana sa mosunod nga mga tuig.
Ang sterile insect technique nakatabang na sa pagsugpo sa peste sa US, Mexico, ug Central America sa mga nangaging kampanya.
Photo courtesy: International Embryo Technology School
