Gibisita sa mga personahe gikan sa PhilHealth Regional Office X ang Rural Health Unit (RHU) sa Linamon, sakop sa Lanao del Norte aron sa pagpahigayon sa YAKAP Inspection and Monitoring.
Ang maong kalihokan nagtumong sa pagsiguro nga ang mga serbisyong panglawas nga gihatag sa RHU nakasunod sa mga sumbanan ug polisiya sa PhilHealth alang sa kaayohan sa mga residente sa Lungsod.
Gipadayag usab sa RHU nga magpabilin silang matinud-anon sa ilang misyon sa paghatag og accessible, dekalidad, ug pasyente-sentrikong serbisyo sa panglawas alang sa matag Linamonian.
Nagpasalamat ang RHU sa PhilHealth Region X tungod sa ilang giya, suporta, ug mga rekomendasyon aron mapalambo pa ang kalidad sa serbisyo.
