Nasikop sa kapulisan ang suspek nga giilang si alyas “Tonying” 50-anyos, minyo ug residente sa Barangay Cancayang, lungsod sa Javier, Leyte, atol sa operasyon nga gilusad sa kapulisan sa Javier MPS didto sa Barangay Poblacion Zone I, Javier, Leyte niadtong nakalabay nga adlaw.
Ang suspek gidakop pinaagi sa usa ka Warrant of Arrest nga giisyu alang sa kasong Qualified Sexual Assaultubos sa Article 266-B sa Revised Penal Code diin ang korte nagtakda og rekomendadong piyansa nga mokabat sa P200, 000 alang sa iyang temporaryong kagawasan samtang nagpadayon ang kaso.
Atol sa pag-aresto, gipahibalo ang akusado sa hinungdan sa iyang pagdakop ug sa iyang mga katungod ubos sa Miranda Doctrine sa pinulongang iyang masabtan. Human niini, gidala siya sa Javier MPS alang sa hustong dokumentasyon ug pagproseso sa mga kinahanglanong papeles sa dili pa itugyan ngadto sa korte nga nagpagula sa mandamiento sa pagdakop.
Photo Courtesy: PNP LPPO
