Giklaro sa Office of Civil Defense (OCD) Region-9 ang buot ipasabot sa panawagan sa Malacañang nga magpalit og balde isip usa sa sayong pagpangandam sa posibleng epekto sa Super El Niño.
Giingon ni OCD 9 Regional Director Atty. Ruel Halanes, ang pahayag sa presidente nagpasabot kini nga usbon ang mindset sa katawhan nga dili na maghulat nga maigo sa El Niño, una pa magpangandam. Gipasiugda nga ang pagpalit og balde usa ka yano nga lakang aron matiguman og tubig nga magamit kon mokulang ang suplay.
Giawhag ang mga panimalay nga sayo pa lamang maghimo na og mga lakang sa kapundohan sa tubig ug paggamit niini sa hustong paagi, imbes nga mag-atubang sa problema kon moabot na ang epekto sa hulaw.
