Giklaro ni Reynaldo Roque, head sa HRO, nga ang CSWD maoy adunay katungod sa pag-survey ug pag-validate sa mga balay nga nahimong totally damaged, samtang ang papel sa HRO mao lamang ang pag-uban kanila sa proseso.
Matod niya, sa higayon nga adunay sunog sa Iligan, ang unang motubag mao ang ICDRRMO ug ang CSWD nga maoy mohatag usab og relief assistance aron mailhan ang mga biktima.
Human niini, susihon sa CSWD ang kahimtang sa mga balay kon kini ba totally damaged o partially damaged.
Dugang pagpasabot ni Roque, nga mopadayon lamang sila sa pagdawat sa listahan, pag-check sa rekord, ug paghatag sa mga dokumentong gikinahanglan ngadto sa ilang buhatan.
