Usa ka 32-anyos nga lalaki nga ginganlag Peter Kigen sa kenya ang nakasinati og talagsaong hitabo human siya sayop og deklara nga patay sa ospital tungod sa iyang giantos nga sakit sa tiyan ug kalit nga pagkawala sa pulso.
Sumala sa taho, gidala ang iyang lawas ngadto sa morgue human ipahibalo sa mga kauban sa ospital nga namatay na si Kigen. ug giandam kini alang sa proseso sa pag-embalso.
Apan samtang gipahigayon na ang maong proseso, nikalit siyag mata ug nisinggit tungod sa kasakit human mahiwaan ang iyang tuong tiil, hinungdan nga nakuratan ang mga trabahante sa morgue.
Dayon siyang gibalik sa ospital alang sa dugang pagtambal.
Photo Courtesy: Graphic Online, Nation Africa
