Gisugdan na sa Mynt, ang kompanyang nagdumala sa GCash, ang proseso alang sa posibleng Initial Public Offering (IPO) sa Philippine Stock Exchange.
Sumala sa kompanya, giaprobahan sa ilang board of directors ang pag-file sa registration statement sa Securities and Exchange Commission ug listing application sa PSE.
Matod ni Mynt President ug CEO Martha Sazon, usa kini ka importante nga lakang sa padayong pagtubo sa kompanya nga nahimong usa sa pinakadakong digital finance platforms sa nasud.
Ang GCash, nga nagsugod isip SMS-based remittance service niadtong 2004, nahimong usa na karon ka nangunang cashless ecosystem nga naghatag og serbisyo sa pagbayad, pagpahulam, pagtipig ug pagpamuhunan.
Photo Courtesy:BitPinas
