Mokabat sa 42 ka kompanya gikan sa Pilipinas ang nakasulod sa Fortune Southeast Asia 500 list alang sa tuig 2026. Ang maong listahan, naglangkob sa labing dagkong mga kompanya sa rehiyon base sa ilang kinatibuk-ang kita o revenue.
Nagpakita kini sa lig-on nga performance sa mga negosyo sa nasud ug sa padayon nga pagtubo sa ekonomiya sa Pilipinas. Ang Fortune Southeast Asia 500, usa ka prestigious ranking nga nagtan-aw sa kalampusan ug kontribusyon sa mga kompanya sa rehiyong Southeast Asia.
Matod sa mga eksperto, ang pagsulod sa daghang Pilipinong kompanya sa maong listahan, usa ka positibong timailhan sa pagpalapad sa mga negosyo ug pagdani og dugang pamuhunan nga makatabang sa pagmugna og trabaho ug pagpalig-on sa ekonomiya sa nasud.
Photo Courtesy: x.com
