Naila sa tibuok kalibotan si Vesna Vulović, usa ka flight attendant sa Yugoslavia, Serbia tungod sa iyang milagrosong pagkaluwas human sa pagbuto sa jet flight 367 niadtong Enero 26, 1972.
Ang eroplano naglupad paingon sa Czechoslovakia sa dihang kini gituohang nabiktima sa pagpabuto og bomba.
Nahulog siya uban sa nahibiling bahin sa eroplano gikan sa gibanabanang kapin 10,000 metros nga kataas. Bisan pa sa pagkabali sa iyang mga bukog, apil ang paa, kamot ug bahin sa bukobuko, naluwas siya human maabot sa mga rescuer sa lugar sa disgrasya.
Sumala sa taho, ang bahin sa eroplano nga iyang giatubangan napugngan sa mga kahoy ug gatason nga yuta sa dihang nahulog, nga mao’y gituohang nakatabang sa pagpakunhod sa epekto sa pagkatagak.
Human sa pipila ka bulan nga pagpaayo, nakabalik pa siya sa normal nga kinabuhi.
Tungod niini, naangkon niya ang rekord sa guinness world records isip tawo nga nakaluwas sa pinakataas nga pagkahulog nga walay parachute, usa ka hitabo nga hangtod karon gikonsiderar nga usa sa pinakatingalahang istorya sa kalibotan.
Photo courtesy: BBC
