Gisaulog sa City Government of Pagadian ang ika-128 nga anibersaryo sa Philippine Independence Day, adlawng Biyernes, Hunyo 12, 2026, sa may City Hall Compound, Barangay Gatas, Pagadian City.
Nagsilbing highlights sa kalihukan ang wreth laying ceremony nga gipangunahan ni Pagadian City Mayor Sammy Co uban ni MGEN Yegor Rey Baroquillo Jr, Commanding Officer sa 1st Infantry Tabak Division.
Mitambong sa maong kalihukan ang pipila ka mga representante sa Pagadian City Police Station, Zamboanga del Sur Police Provincial Office, HPG, BFP, BJMP, AFP, PDEA ZDS, CGS ZDS, mga regional offices staff, mga department heads ug mga barangay officials.
Sa mensahe ni Mayor Sammy Co, ang katuyuan sa pagsaulog sa kalihukan isip paghinumdom sa kaisog, sakripisyo ug patriyotismo sa mga bayani nga nahimong hinungdan sa pagkabaton ug kagawasan gikan sa pagkasakop sa Espanya nga padayon nga nahuptan sa karon.
Segon niya, ang Philippine Independence Day ginasaulog matag Hunyo 12 isip pagtimaan sa deklarasyon sa kagawasan sa Pilipinas niadtong tuig 1898.
