Nagpahigayon ug oryentasyon ang Juander Radyo News Team kabahin sa Juander Radyo Loyalista Incorporated sa Poblacion Pitogo, Zamboanga del Sur, karong adlawa Hunyo 13, 2026.
Nahimo ang maong kalihukan pinaagi sa imbitasyon ni Coordinator/ Dealer Merlinda Bacaron nga gitambungan usab sa pipila ka mga residente sa lugar.
Ang Juander Radyo Loyalista Incorporated usa ka organisasyon o grupo sa pagtinabangay diin matag miyembro kinahanglan mutabang ug tag 10 centabos sa kada usa nga miyembro nga mutaliwan nga ihatag ngadto sa matag coordinators.
Ang tanang makolekta sa coordinators sulod sa sinemana nga cut-off maoy bahinon sa tanang mutaliwan nga miyembro isip tabang sa pamilya nga namatayan.
Sa dugang mga pangutana, mamahimo kamo nga makigkoordinar sa Juander Radyo Pagadian 104.7 FM aron kamo makahibalo pa sa dugang mga impormasyon ilabina sa gustong magpamiyembro.
