Dakpan sa kapulisan ang usa ka drug suspect pinaagi sa gipahigayon nga drug buy-bust operation sa Purok Parpagayo, Brgy. Sinaman, Dipolog City niadtong Hunyo 11,2026.
Giila ang dinakpan nga si alyas Boy, 25-anyos, minyo, usa ka construction worker ug residente sa nasangpit nga barangay.
Nasakmit gikan sa suspetsado ang usa ka gamay nga pakete sa shabu nga nagsilbing buy bust item ug ang 1,000 peso bill nga gigamit isip buy bust money.
Dugang nasakmit gikan sa iyang posisyon ang 5 ka mga gagmay nga pakete sa shabu ug uban pang mga non-drug items.
Motimbang sa 3 ka gramo ang narecover nga druga gikan sa dinakpan nga nagkantidad ug Php20,400.00.
Gilusad ang maong operasyon pinaagi sa mga personahe sa Zamboanga del Norte Provincial Drug Enforcement Unit (ZNPDEU) kauban ang Dipolog City Police Station hinungdan sa malampusong pagkasikop sa suspetsado.
Balhog na sa prisuhan ang dinakpan samtang ang mga nakumpiska nga mga ebidensya ang giturnover ngadto sa Zamboanga del Norte Provincial Forensic Unit alang sa eksaminasyon.
Photo Courtesy: Mahisa Shilly
