Usa ka mag-uuma gikan sa Candoni, Negros Occidental ang nagpakita nga walay edad nga makapugong alang sa pagkab-ot sa kalamposan o damgo sa kinabuhi, human nga migradwar siya ug nakapasar sa iyang gi eskwelahan nga kurso.
Naila ang maong tawo nga si Diosdado Evangelista, o “Tatay Ebang,” nakapasar siya niadtong November 2025 sa Agriculturist Licensure Examination sa ikaduhang higayon.
Sa edad nga 72-anyos, napamatud-an niya nga ang pagkat-on ug pagpaningkamot walay katapusan bisan pa sa kadugayon sa panahon ug usa napod siya ka Senior Citizen.
Sumala kang Tatay Ebang, dugay na niyang gitinguha nga mahuman ang iyang gi eskwelahang kurso ug mahimong Lisensyadong Agriculturist, ug matod pa niya, “I promised myself I would finish what I started.”
Ang iyang kalampusan nahimong inspirasyon sa daghang Pilipino, ilabi na sa mga nagtuo nga ulahi na ang tanan aron makab-ot ang ilang mga pangandoy, nagpahinumdom usab ang istorya ni Tatay Ebang nga ang determinasyon ug paglahutay maoy yawe sa kalampusan, bisan pa sa pangidaron.
Photo Courtesy: PRC BOARD NEWS
