Mobiyahe si Ferdinand Marcos Jr. ngadto sa Russia gikan Hunyo 17 hangtod Hunyo 18, 2026 aron motambong sa ASEAN-Russia Commemorative Summit.
Matod ni Palace Press Officer ug PCO Undersecretary Claire Castro, hisgutan sa summit ang dagan sa kooperasyon tali sa ASEAN ug Russia, lakip ang mga lakang aron mas mapalawom pa ang ilang relasyon ug panagtambayayong sa nagkalain-laing sektor.
Sumala pa ni Castro nga importante ang pagtambong sa Presidente tungod kay ang Philippines mao ang kasamtangang chair sa Association of Southeast Asian Nations, samtang gisaulog usab ang ika-35 nga anibersaryo sa relasyon tali sa ASEAN ug Russia.
Sa pagkakaron, wala pa’y kumpirmasyon kon adunay lahi nga bilateral meeting si Pangulong Marcos uban kang Vladimir Putin atol sa iyang pagbisita.
Ang maong summit gitan-aw nga higayon aron mapalig-on pa ang diplomatikong relasyon ug ekonomikanhong kooperasyon tali sa ASEAN ug Russia, ilabina sa enerhiya, pamatigayon, ug uban pang estratehikong sektor.
Photo Courtesy: Police files! Tonite
