Gikonsidera ni Trade Secretary Cristina Roque, nga usa ka dakong kalampusan ang unang pag-eksport sa mangga sa Pilipinas ngadto sa Canada. Matod niya, kini usa ka mahinungdanong lakang nga mag-abli og dugang nga oportunidad sa internasyonal nga merkado alang sa mga produktong Pilipino.
Sumala sa secretary, ang pagsulod sa mangga sa Pilipinas sa merkado sa Canada, nagpakita sa padayon nga pagpalapad sa export industry sa nasud ug sa pagsalig sa ubang nasud sa kalidad sa lokal nga mga produkto. Gilauman usab nga mosaka ang panginahanglan sa Philippine mangoes sa mga konsumidor sa Canada.
Dugang pa ni Roque, makahatag kini og mas dagkong income ug negosyo alang sa mga mag-uuma ug agribusiness stakeholders sa Pilipinas. Gilauman nga ang maong kalampusan, mahimong dalan alang sa pag-abli sa dugang pang mga merkado alang sa ubang produktong agrikultural sa nasud.
Photo Courtesy: Guimaras Updates
